Ljósmyndasýning Fimbulfamba í Gallerí Tukt

Föstudaginn 23. júlí verður opnuð ljósmyndasýning í Gallerí Tukt, Hinu Húsinu, kl. 15-17. Ljósmyndasýningin mun standa frá 23/07 til 7/08 2010 og eru allir velkomnir.

Þeir Áskell Harðarson og Þórður Páll Pálsson eru ungir listamenn sem standa fyrir yfirlitssýningu ljósmynda sem þeir hafa unnið í sumar. Verkefni þeirra var valið í Listhópa Hins Hússins þar sem þeir störfuðu sem dúettinn Fimbulfambi.

Notagildi fornmuna er útgangspunktur í listsköpun Fimbulfamba og er nostalgía í hávegum höfð. Þeir nota ýmis raftæki við sköpun sína eins og gamlar filmu-ljósmyndavélar, myndvarpa fyrir slides myndir og fleira.

Hægt verður að kaupa ljósmyndirnar á sýningunni.

Götuhátíð í dag

Jafningjafræðslan og VÍS bjóða landsmönnum að fagna með sér sumrinu á götuhátíð sem að fram fer næstkomandi föstudag frá kl. 14 á Austurvelli. Hátíðin verður öll með glæsilegasta móti og þar mun fjöldi tónlistarmanna og listamanna stíga á stokk. 

Fram koma: Fönksveinar, Kristmundur Axel, Sing for me Sandra, Original Melody, Ramses, Jón Jónsson, GÁVA, The assassin of a beautiful brunette, Friðrik Dór og Raggi Bjarna. Tónlistarmennirnir eru á öllum aldri og til gamans má geta að það munar 61 ári á yngsta og elsta flytjanda á hátíðinni. Þar fyrir utan verður grínarinn Þorsteinn Guðmundsson með gamanmál, hressir parkour strákar sýna listir sýnar ásamt götulistamanninum Wally og flóamarkaður Hins Hússins verður í fullum gangi en þar er hægt að kaupa sér notuð föt ásamt öðru glingri.

 

[ MEIRA ]