Jafningjafræðslan

Jafningjafræðarar heimsækja félagsmiðstöðvar, grunn- og framhalds- og vinnuskóla með sérstaka fræðsludagskrá sem miðar að því að fræða önnur ungmenni um margvíslega málefni, svara spurningum og brjóta upp daginn með skemmtilegum og fræðandi hópeflisleikjum. Skoðaðu málið nánar hér.

 

Listhópar Hins hússins

Skapandi sumarstarf við Listhópa Hins Hússins er fyrir ungt fólk á aldrinum 17-25 ára. Hópum eða einstaklingum býðst að starfa í 8 vikur við framkvæmd eigin verkefna á sviði lista. Útprentuðum umsóknum skal skilað í Hitt Húsið, Pósthússtræti 3-5, 101 Reykjavík, merktum „Listhópar Hins Hússins“ en auk þess þarf að sækja um rafrænt. Skoðaðu málið nánar hér.

 

Götuleikhús Hins hússins

 

Frábært starf fyrir þá sem hafa áhuga á leiklist. Starfsmenn Götuleikhúss Hins Hússins starfa undir stjórn faglegs leikstjóra að sýningum sem haldnar eru á götum og torgum borgarinnar. Götuleikhúsið er starfrækt í 8 vikur yfir sumartímann. Skoðaðu málið nánar hér.

 

Sumarstörf hjá Reykjavíkurborg

 

Reykjavíkurborg býður upp á fjölbreytt úrval sumarstarfa. Hver veit nema þú finnir draumastarfið þitt hér.