Vinfús

Vinfús er hópastarf fyrir ungmenni á aldrinum 16-25 ára. Starfið er hugsað fyrir alla einstaklinga sem vilja kynnast nýju fólki og einnig þá sem hafa einangrast í skóla eða í öðrum félagslegum aðstæðum. Starfið gengur út á að skapa heilbrigðan grundvöll fyrir afþreyingu og skemmtanir.

Félagsleg einangrun getur stafað af einhvers konar skorti á þjálfun í félagslegum samskiptum og því er einlífið oft vítahringur sem getur reynst mörgum erfitt að komast út úr. Þessum vítahring fylgja oft annars konar vandkvæði, s.s. þunglyndi og streita. Markmið okkar er að reyna að hjálpa einstaklingum að komast út úr þessum vítahring með því að skemmta okkur saman og byggja upp innri vináttutengsl við hvert annað. Hópastarfið er því fyrst og fremst á léttum og jákvæðum nótum en slíkt starf hefur gefið jákvæða reynslu bæði hér heima og víðar.

Hópurinn hittist vikulega í Hinu Húsinu og starfsemin fer bæði fram innan- og utanhúss. Dagskráin er skipulögð af starfsmönnum okkar í samstarfi við ungmennin í hópnum. Hópstjórar  hafa bæði mikla reynslu og þekkingu á því að starfa með ungu fólki.

 

Markmið

Markmið hópastarfsins eru að:

  1. Þjálfa upp félagsfærni og hæfni í mannlegum samskiptum með því að styrkja jákvæða hegðun og draga úr neikvæðri hegðun. Við ætlum að ýta undir sterkari sjálfsmynd og ýta undir jákvæða sýn á lífið með leikjum og hrósi.
  2. Stuðla að innri tengslum einstaklinga innan hópsins sem vonandi gefa af sér vináttubönd til framtíðar. Gefa ungmennum tækifæri og grundvöll til að umgangast hvort annað á jákvæðum nótum.
  3. Veita ungmennum krydd í lífið og tilveruna, -eitthvað til að hlakka til í hverri viku.

Sækja um

Umsóknareyðublöðin eru meðhöndluð sem trúnaðarmál.

Bogi Hallgrímsson

Verkefnastjóri Vinfúsar

s: 411-5522

bogi@hitthusid.is

1 
2 
  • Upplýsingar um forráðamann

    Á við um einstaklinga undir 18ára aldri
  • (ef umsækjandi er undir 18 ára)