Listhópar Hins Hússins

Ungu fólki gefst kostur á að sækja um og  koma með hugmyndir að skapandi verkefnum og valdir hópar eða einstaklingar fá síðan tækifæri til að vinna að hugmyndum sínum í átta vikur yfir sumartímann.  Þessi verkefni eru afar fjölbreytt, skapandi og skemmtileg og eru sýnileg víða í Reykjavíkurborg.  Í gegnum árin hafa margir af okkar fremstu listamönnum innan allra listgreina tekið sín fyrstu skref í Listhópum Hins Hússins.

Reykjavíkurborg er staðurinn  þar sem allt getur gerst og von er á óvæntu stefnumóti við listagyðjuna. yfir sumartímann.

Fylgstu með viðburðum Listhópa

Hvernig sæki ég um?

Ungu fólki á aldrinum 17-25 ára með lögheimili í Reykjavík gefst kostur á að sækja um í Listhópa Hins hússins. Útprentuðum umsóknum skal skilað fyrir 27. mars í Hitt húsið, Pósthússtræti 3-5, 101 Reykjavík, merktum “Listhópar Hins hússins,” en auk þess þarf að sækja um verkefnið á vef Reykjavíkurborgar og þarf útprentuð staðfesting frá þeim að fylgja umsókninni. Athugið að eingöngu er um laun til einstaklinga að ræða en ekki önnur fjármögnun á verkefninu.

Störfin eru einungis fyrir aðila með lögheimili í Reykjavík. Hópum eða einstaklingum býðst að starfa í 8 vikur við framkvæmd eigin verkefna á sviði lista. Skila þarf inn umsókn þar sem fram koma eftirfarandi upplýsingar um verkefnið:

  • Greinargóð lýsing á verkefninu, umfangi þess og markmiðum.
  • Tíma- og verkáætlun verkefnisins.
  • Fjárhagsáætlun.
  • Upplýsingar um aðstandendur verkefnisins og tilgreina einn aðila sem tengilið verkefnisins.

Umsóknarfrestur í Listhópa Hins Hússins 2017

Útprentuðum umsóknum skal skilað fyrir 27. mars í Hitt húsið, Pósthússtræti 3-5, 101 Reykjavík, merktum “Listhópar Hins hússins,” en auk þess þarf að sækja um verkefnið á vef Reykjavíkurborgar og þarf útprentuð staðfesting frá þeim að fylgja umsókninni. Athugið að eingöngu er um laun til einstaklinga að ræða en ekki önnur fjármögnun á verkefninu.  Störfin eru einungis fyrir aðila með lögheimili í Reykjavík.

Afgreiðsla umsókna

4 manna nefnd skipuð forstöðumanni Hins hússins, deildarstjóra menningarmála Hins Hússins, fulltrúa frá LHÍ og einum utankomandi aðila tengdum menningu og listum fer yfir umsóknirnar og velur ákjósanleg verkefni.

Þættir sem nefndin hefur m.a. til hliðsjónar við verkefnaval:
  •  Markmið,verkáætlun og framkvæmd.
  • Frumleika hugmyndarinnar.
  • Samfélagsleg vídd verkefnisins.
  • Reynsla umsækjenda.
  • Fjárhagslegur bakhjarl verkefnisins sé tryggður.
  • Fjölbreytni í verkefnavali/ vægi á milli listgreina-málaflokka.
  • Kynjahlutfall umsækjenda.
  • Gæði umsóknarinnar

ATH. Gerð er sú krafa að þeir sem að fá úthlutað taki þátt í sameiginlegri dagskrá Listhópa Hins Hússins á þremur Föstudagsfiðrildum sem fara fram í miðborg Reykjavíkur á tímabilinu og á 17. júní og Menningarnótt.

Listhópar 2016:

MARA

Hljómsveitina MÖRU mynda Elín Sif Halldórsdóttir, Ragnhildur Helgadóttir og Ýmir Gíslason.

Andartak

Listamennirnir Árni Beinteinn og Rakel Björk Björnsdóttir stunda bæði leiklistarnám við Listaháskóla Íslands. Þau hafa brennandi áhuga á tónlist, tónsmíðum…

Femprov

Hildur Ýr Jónsdóttir, Jökull Smári Jakobsson og Júlíanna Kristín Jónsdóttir skipa Sviðslistahópinn Femprov. Markmið þeirra er að stuðla að vitundarvakningu…

Garnabarn

Rakel Andrésdóttir verður Garnabarn í sumar. Garnabarn mun vinna með garn og fleiri efni til þess að skapa allskyns prjónagraff…

Bjarmi

Bjarmi Hreinsson er nýútskrifaður úr Listaháskóla Íslands þar sem hann stundaði nám við skapandi tónlistarmiðlun. Markmið hans í sumar er…

Tónslit

Hákon Jóhannesson og Tryggvi Björnsson eru tveir piltar með áhuga á djass -og blústónlist. Tryggvi er nýstúdent frá Menntaskólanum við…

Ventus Brass

Ventus Brass er fimm manna málmblásarahópur; tveir trompetleikarar, einn hornleikari, einn básúnuleikari og einn traustur túbuleikari. Þau hafa áður spilað…

Víkurhljóð

Víkurhljóð er hugarfóstur Þorsteins Eyfjörð. Markmið verkefnisins er að beina athygli fólks betur að þeim borgarhljóðum sem heyrast í dagsins…

Gulli Björnsson

Gítarleikarinn og tónskáldið Gunnlaugur (Gulli) Björnsson er sem stendur í masternámi í klassískum gítarleik við Yale School of Music í…