Starf með ungu fólki með fötlun

Í Hinu Húsinu fer fram fjörugt og fjölbreytt félagstarf. Ungmenni með fötlun eða þroskaskerðingu er boðið upp á að sækja, Tipp Topp, opið félagstarf (fyrir 16 – 40 ára) á fimmtudagskvöldum, ýmsa klúbba, frístundastarf eftir skóla, sumarstörf, vinahópa og taka þátt í listahátíðinni List án Landamæra.

Meginmarkmið með starfinu er að styðja ungmennin til sjálfstæðis í samskiptum við aðra. Leitast er við að efla sjálfstraust, sjálfstæði og samkennd.

Með starfinu er einnig leitast við að vekja vitund á að fólk með fötlun á að hafa sömu möguleika á almennum lífsgæðum og aðrir. Ungt fólk með fötlun getur þroskast, vaxið og dafnað ef það fær viðeigandi þjónustu. Í Hinu Húsinu er lögð áhersla á að bjóða upp á þroskandi frístundastarf og félagsskap þar sem virðing og vinátta er í hávegum höfð.

Lögð er áhersla á taka mið að þörfum og væntingum hvers einstaklings með faglega þjónustu að leiðarljósi. Starfsfólk Hins Hússins mæta ungmennunum á jafningjagrundvelli og veita þeim stuðning eftir þörfum.