Hitt Húsið lokar vegna Covid-19 / Hitt Húsið closes due to Covid- 19
Hitt Húsið – Miðstöð Ungs fólks
Hitt Húsið er miðstöð ungs fólks þar sem ungmenni geta nýtt aðstöðuna til að syngja, dansa, dreyma, skapa, læra, spila, funda, -nánast hvað sem þeim dettur í hug!
Komdu og kynntu hugmyndina þína eða kíktu bara í kaffi og sjáðu hvað er í gangi. Hitt Húsið er rekið af Reykjarvíkurborg og er opið öllu ungu fólki á aldrinum 16-25 ára.
Saga Hins Hússins
Hitt Húsið var stofnað af Íþrótta- og tómstundaráði Reykjavíkurborgar 15. október 1991 fyrir ungt fólk á aldrinum 16- 25 ára.
Í fyrstu var Hitt Húsið staðsett í gamla skemmtistaðnum Þórskaffi í Brautarholti. Þar hófst fjölbreytt starfsemi fyrir ungt fólk á sviði menningar, atvinnumála og skemmtunar. Strax á fyrsta starfsárinu hófst Unglist – listahátíð ungs fólks sem og opin hús fyrir fötluð ungmenni. Í húsnæðinu var ennfremur æfingaaðstaða fyrir hljómsveitir og þar voru haldin böll á vegum framhaldsskólanna.
Í ágúst 1995 var starfsemin flutt í gamla Geysishúsið við Aðalstræti. Frá þeim tíma hefur Hitt Húsið þróast enn frekar í menningar- og upplýsingamiðstöð ungs fólks auk þess að starfrækja ýmis úrræði á sviði ráðgjafar, fræðslu og atvinnumála sem og frístundastarf fatlaðra ungmenna. Í mars 2002 var Hitt Húsið svo enn fært um set, í þetta sinn að Pósthússtræti 3- 5.
Haustið 2015 flutti hluti frístundastarfs fatlaðra upp á Rafstöðvarveg 9, en í janúar 2019 flutti starfsemi Hins Hússins alfarið upp á Rafstöðvarveg 7-9.
OKKAR MARKMIÐ
Aðstoð og aðstaða
Að veita ungu fólki aðstöðu og aðstoð við að koma hugmyndum sínum í framkvæmd.
Menning ungs fólks
Að endurspegla menningu ungs fólks.
Leiðbeina og upplýsa
Að veita upplýsingar og leiðbeina ungu fólki, í samstarfi við aðra fagaðila og samtök.
Miðstöð ungs fólks í leit að starfi
Að vera miðstöð ungs fólks í leit að sumarstarfi.
Félagsleg úrræði og ráðgjöf fyrir ungt fólk
Að vera vettvangur fyrir félagsleg úrræði og ráðgjöf fyrir ungt fólk.
Eltu okkur á facebook
Hvar er Hitt Húsið?
Opnunartímar
Mánudaga – Föstudaga
09:00 – 22:00
Helgar: Lokað