Jafningjafræðslan og hópastarf

Hvernig notar Hitt Húsið myndefni í kynningar?

Með þátttöku í viðburði, dagskrá, sýningum og öðru starfi á vegum Hins Hússins veitir þátttakandi samþykki sitt fyrir því að Hitt Húsið megi nota myndefni frá viðkomandi í kynningarefni fyrir Hitt Húsið sem og til myndbirtingar í fjölmiðlum og á samfélagsmiðlum.  Sama á við um almennar gestakomur í Hitt Húsið eða áhorf á viðburði á þess vegum.

Myndefnið verður ekki til annarra nota en þeirra sem greint hefur verið frá hér að framan.

Ef einhverjar athugasemdir eða spurningar koma upp varðandi notkun myndefnisins er hægt að hafa samband við Forstöðumann Hins Hússins.

Til þess að geta unnið úr umsókn þinni og lagt mat á rétt þinn til fjárhagsaðstoðar til framfærslu er velferðarsviði Reykjavíkurborgar nauðsynlegt að vinna með nánar tilgreindar persónuupplýsingar þínar. Unnið er með upplýsingar sem þú lætur af hendi í umsóknarferli en einnig aflar Reykjavíkurborg upplýsinga um þig frá þriðju aðilum. Í samræmi við lagaskyldu varðveitir borgin þessar upplýsingar ótímabundið. Sjá nánari upplýsingar um þessa vinnslu hér.

Hver er tilgangur vinnslu og grundvöllur hennar?

Reykjavíkurborg er nauðsynlegt að vinna með persónuupplýsingar þínar til að leggja mat á umsókn um fjárhagsaðstoð. Vinnslan byggir á lagaskyldu, þ.e. lögum um félagsþjónustu sveitarfélaga, og þess opinbera valds sem borgin fer með.

Veiti þú Reykjavíkurborg ekki umbeðnar upplýsingar getur það leitt til þess að ekki verði hægt að afgreiða umsókn þína eða til þess að þú fáir lægri fjárhagsaðstoð en þú átt rétt á.

Hvaða upplýsingar er unnið með?

Réttur til fjárhagsaðstoðar byggir á stöðu umsækjenda í margvíslegum skilningi. Það fer því eftir stöðu þinni hvaða upplýsingar Reykjavíkurborg er nauðsynlegt að vinna með í tengslum við umsókn þína. Ákveðnar grunnupplýsingar eru hins vegar unnar um alla umsækjendur sem óska eftir fjárhagsaðstoð.

Hvaðan koma upplýsingarnar?

Auk þeirra persónuupplýsinga sem þú lætur Reykjavíkurborg í té í umsóknarferli kallar Reykjavíkurborg eftir upplýsingum um þig frá Þjóðskrá og Ríkisskattstjóra auk þess sem auðkenning þín er sótt til þjónustuveitanda auðkenningarþjónustu.

Þá kann Reykjavíkurborg að kalla eftir persónuupplýsingum þínum frá Vinnumálastofnun, Tryggingastofnun ríkisins og sýslumanni.

Hversu lengi eru persónuupplýsingarnar geymdar?

Persónuupplýsingar þínar eru geymdar ótímabundið á grundvelli lagaskyldu er hvílir á Reykjavíkurborg. Að tilgreindum tíma liðnum er Reykjavíkurborg skylt að afhenda Borgarskjalasafni öll gögn sem unnið er með til varðveislu.

Hvernig tryggjum við öryggi persónuupplýsinganna?

Reykjavíkurborg gætir öryggis persónaupplýsinga með viðeigandi skipulagslegum og tæknilegum ráðstöfunum, þ.á m. aðgangsstýringum og dulkóðun. Allt það starfsfólk sem kemur að vinnslu persónuupplýsinga umsækjanda er bundið þagnarskyldu.

Miðlun persónuupplýsinganna til þriðju aðila

Reykjavíkurborg nýtir sér aðstoð þriðju aðila við að hýsa þær persónuupplýsingar sem unnið er með í tengslum við umsóknir um fjárhagsaðstoð. Það sama kann að eiga við um annars konar upplýsingatækniþjónustu. Slíkir aðilar kunna því að hafa aðgang að persónuupplýsingum þínum, en öll aðkoma þeirra að upplýsingunum byggir á skriflegum samningi við Reykjavíkurborg þar sem öryggi upplýsinganna og trúnaður er tryggður.

Komi til greiðslu fjárhagsaðstoðar er upplýsingum um fjárhæð og bankareikning þinn miðlað til fjármálaskrifstofu Reykjavíkurborgar, sem kemur fram sem sameiginlegur ábyrgðaraðila að þeirri vinnslu ásamt velferðarsviði.

Að tilgreindum tíma liðnum er Reykjavíkurborg skylt að afhenda Borgarskjalasafni öll gögn sem unnið er með í tengslum við umsóknir um fjárhagsaðstoð til varðveislu.

Reykjavíkurborg mun ekki miðla persónuupplýsingum þínum til annarra aðila nema borginni sé slíkt skylt á grundvelli laga, stjórnvaldsfyrirmæla eða dómsúrskurðar. Þá mun borgin ekki miðla persónuupplýsingum þínum utan Evrópska efnahagssvæðisins nema á grundvelli sérstakrar heimildar þar um og án þess að upplýsa þig um slíkt.

Réttindi þín

Þú kannt að eiga rétt til þess að fá aðgang að þeim persónuupplýsingum sem Reykjavíkurborg vinnur með í tengslum við umsókn þína. Þá kannt þú að hafa rétt til að andmæla vinnslunni, fá upplýsingarnar leiðréttar, krefjast þess að þeim verði eytt, að vinnslan verði takmörkuð og/eða að þú eða þriðji aðili fáir upplýsingar afhentar á tölvulesanlegu formi. Nánari upplýsingar um þessi réttindi þín má finna í persónuverndarstefnu Reykjavíkurborgar sem aðgengileg er hér.

Kvörtun yfir vinnslu

Sérstök athygli er vakin á því að sért þú ósátt/ur við meðferð Reykjavíkurborgar á persónuupplýsingum þínum getur þú ávallt haft samband við persónuverndarfulltrúa Reykjavíkurborgar eða sent erindi til Persónuverndar.