Vantar þig vinnu?
Í Hinu Húsinu eru starfandi atvinnuráðgjafar og þú getur pantað tíma í ókeypis ráðgjöf. Ungt fólk á atvinnuleysisskrá getur einnig sótt vinnuúrræðanámsskeiðin Vítamín og Háskólavítamín.
Do you need help in finding and applying for jobs? In Hitt Húsið we offer free job consultation along with other assistance for young people searching for a job.
Hægt er að leita til þeirra varðandi ráðgjöf við atvinnuleit og allt sem henni tengist.
Atvinnuráðgjafarnir bjóða upp á ýmis ráð í atvinnuleitinni:
Auk þess eru atvinnuráðgjafarnir alltaf tilbúnir til að svara fyrirspurnum. Þú getur hringt í síma 411-5500, sent póst á atvinnumal.hitthusid@reykjavik.is eða pantað ráðgjöf hér að neðan.
You can book a free job consultation to get some good tips regarding the job search from our experts. That includes help with making or improve your CV, give you an overview of what job sites are available, and how to prepare for a job interview.
For more info you can contact us by calling 411-5500, emailing atvinnumal.hitthusid@reykjavik.is, or book a job consultation here bellow.
Atvinnumáladeild Hins hússins hefur um árabil boðið ungu fólki á námskeið í samvinnu við Vinnumálastofnun og hafa um hundruði ungmenna komið á námskeið til okkar. Þrenns konar námskeið eru í boði; Vítamín, Háskólavítamín og Tækifæri. Vítamín og háskólavítamín námskeiðin koma í tveimur útgáfum, með eða án starfsþjálfun. Í starfsþjálfun gefst þátttakendum tækifæri til öðlast starfsreynslu sem tengist eigin áhugasviði. Námskeiðin fara fram í Hinu Húsinu á Rafstöðvarvegi 7, en nú er einnig möguleiki að halda námskeiðin rafrænt.
Námskeiðin eru fyrir 18-25 ára ungmenni í atvinnuleit á atvinnuleysisskrá hjá Vinnumálastofnun.
Á námskeiðinu er m.a. farið í :
Námskeiðið samanstendur af fjögurra vikna
námskeiði í Hinu Húsinu. Markmið námskeiðsins er að styrkja
og virkja þátttakendur og aðstoða þá við að finna út hvað þeir vilja gera í nánustu framtíð og hvernig þeir geta framkvæmt það.
Að loknu undirbúningsnámskeiði fá þátttakendur tækifæri til að fara í starfsþjálfun á vinnustað í fjórar vikur og öðlast þannig starfsreynslu og þjálfun hjá fyrirtækjum og stofnunum.
Starfsstaður er valinn í samráði við þátttakandann, þar sem áhugasvið, menntun og reynsla er höfð til hliðsjónar.
Þannig gefst þátttakendum möguleiki á að fá meðmæli sem getur nýst vel við atvinnuleitina, tengslanet þeirra víkkar og í mörgum tilfellum hefur starfsþjálfunin leitt til áframhaldandi ráðningar á vinnustaðnum.
Námskeiðið er annað hvort 4 (án starfsþjálfun) eða 8 (með starfsþjálfun) vikur. Fyrstu 4 vikurnar fara fram í Hinu Húsinu kl. 10 –13 mánudaga til fimmtudaga. Þátttakendur fá létta morgunhressingu meðan á námskeiðinu stendur. Á seinni 4 vikunum fara þátttakendur í starfsþjálfun á vinnustað ef það á við.
Háskólavítamín er námskeið fyrir 22-29 ára, háskólamenntað fólk í atvinnuleit á atvinnuleysiskrá hjá Vinnumálastofnun.
Á námskeiðinu er m.a. farið í :
Háskólavítamín stendur yfir í 3 vikur og er haldið í Hinu Húsinu. Á námskeiðinu er áhersla lögð á að kenna fjölbreyttar aðferðir til styrkja þátttakendur í atvinnuleitinni.
Undirbúningsnámskeiðið er mikilvægur þáttur í að geta tengt þátttakendur við atvinnulífið en að loknu undirbúningsnámskeiði fara þátttakendur í starfsþjálfun hjá fyrirtæki eða stofnun.
Starfsstaður er fundinn í samráði við hvern og einn þátttakanda þar sem menntun, reynsla og áhugasvið hvers og eins er haft að leiðarljósi.
Þannig fá þátttakendur reynslu af vinnumarkaði tengdri menntun sinni, tengslanet þeirra víkkar, þeir eiga möguleika á að fá meðmæli sem getur nýst vel við atvinnuleitina og oft hefur starfsþjálfunin leitt til áframhaldandi ráðningar á vinnustaðnum.
Námskeiðið er annað hvort 3 (án starfsþjálfun) eða 7 (með starfsþjálfun) vikur. Fyrstu 3 vikurnar fara fram í Hinu Húsinu kl. 10 –13 mánudaga til fimmtudaga. Þátttakendur fá létta morgunhressingu meðan á námskeiðinu stendur. Á seinni 4 vikunum fara þátttakendur í starfsþjálfun á vinnustað ef það á við.
Námskeiðið er í samstarfi við VIRK og er ætlað ungu fólki á aldrinum 22-29 ára sem hefur einhverja menntun að baki eftir grunnskóla og/eða reynslu af vinnumarkaði.
Markmiðið með námskeiðinu er að styðja ungt fólk til virkni (atvinna eða nám). Á námskeiðinu er m.a. farið í:
Námskeiðið er 4 vikur að lengd og fer fram mánudaga til fimmtudaga milli kl. 9:30-12:30. Þátttakendur fá létta morgunhressingu meðan á námskeiðinu stendur.
Elísabet Pétursdóttir s: 411-5517
Auður Kamma Einarsdóttir s: 411-5518
Breki Bjarnason s: 695-5104
atvinnumal.hitthusid@reykjavik.is
Hitt Húsið býður upp á skólatengt frítímaúrræði fyrir ungmenni með fötlun sem stunda nám á starfsbrautum framhaldsskólanna.
Hittt Húsið býður upp á skólatengt frítímaúrræði fyrir ungmenni með fötlun sem stunda nám á starfsbrautum framhaldsskólanna. Meginmarkmið starfsins er að stuðla að virkni og félagslegri þátttöku ungmenna í frístundum. Í starfinu er nærumhverfið notað að þjálfa ungmennin í sjálfstæði, félagsfærni og samskiptafærni. Starfsemin byggir á einstaklingsmiðaðri þjónustu þar sem reynt er að vinna með styrkleika hvers og eins og ávallt er reynt að koma til móts við ólíkar þarfir og áhuga ungmennanna.
Áhersla er lögð á að skapa vettvang þar sem ungt fólk hittist og fær tækifæri til þátttöku í öflugu frístundastarfi á jafningjagrundvelli og upplifi öryggi og vellíðan. Leitast er eftir að stuðla að virkni og þátttöku einstaklinga í sínum eigin frítíma og styðja við jákvæða sjálfsmynd. Ungmennin fá að kynnast hinum ýmsu tómstundum sem hægt er að stunda eftir að skóla lýkur.
Starfið fer fram alla virka daga frá klukkan 13 – 17.
Starfið er fyrir ungmenni sem falla undir ummönnunarflokki 1-3 skv. skilgreiningu Tryggingastofnunar og eiga lögheimili í Reykjavík.
Götuleikhúsið er orðið vel þekkt á meðal almennings enda hefur leikhúsið verið starfrækt yfir sumartímann frá árinu 1994. Síðan þá hefur leikhúsið fóstrað stóran hóp ungs fólks sem mörg hver starfa í dag sem þekktir listamenn á ýmsum sviðum.
Á hverju sumri býðst ungmennum á aldrinum 17 til 25 ára að sækja um að starfa með Götuleikhúsinu. Árlega er leikstjóri fenginn til liðs við Götuleikhúsið ásamt búningahönnuði sem hannar búninga og leikmyndir í samvinnu við hópinn. Meðlimir Götuleikhússins fá því þjálfun í öllu því helsta sem tengist starfi götuleikhúss þar sem að leikararnir koma að öllum undirbúningi sem viðkemur sýningunum.
Sótt er um á vef Reykjavíkurborgar og allir umsækjendur eru kallaðir í leikprufur. Götuleikhúsið er starfrækt í 8 vikur yfir sumartímann. Athugið að umsækjendur sem sækja um starf við Götuleikhúsið þurfa að hafa lögheimili í Reykjavík.
Yfir vetrartímann vinna fyrrum Götuleikhúsmeðlimir oft sjálfstætt og taka að sér verkefni fyrir ýmsa aðila.
Nánari upplýsingar varðandi Götuleikhús Hins Hússins má fá hjá Menningardeild Hins Hússins í síma 411 5526
Ungu fólki gefst kostur á að sækja um og koma með hugmyndir að skapandi verkefnum og valdir hópar eða einstaklingar fá síðan tækifæri til að vinna að hugmyndum sínum í átta vikur yfir sumartímann. Þessi verkefni eru afar fjölbreytt, skapandi og skemmtileg og eru sýnileg víða í Reykjavíkurborg. Í gegnum árin hafa margir af okkar fremstu listamönnum innan allra listgreina tekið sín fyrstu skref í Listhópum Hins Hússins.
Ungu fólki á aldrinum 17-25 ára með lögheimili í Reykjavík gefst kostur á að sækja um starf við Listhópa Hins Hússins. Útprentuðum umsóknum skal skilað í Hitt Húsið, Rafstöðvarveg 7, 110 Reykjavík, merktum “Listhópar Hins hússins,” en auk þess þarf að sækja um verkefnið á vef Reykjavíkurborgar og þarf útprentuð staðfesting frá þeim að fylgja umsókninni.
Athugið að eingöngu er um laun til einstaklinga að ræða en ekki önnur fjármögnun á verkefninu.
Störfin eru einungis fyrir ungmenni með lögheimili í Reykjavík.
Fjögurra manna nefnd skipuð forstöðumanni Hins Hússins, deildarstjóra menningarmála Hins Hússins, fulltrúa frá LHÍ og einum utankomandi aðila tengdum menningu og listum fer yfir umsóknirnar og velur ákjósanleg verkefni.
Þættir sem nefndin hefur m.a. til hliðsjónar við verkefnaval:
ATH. Gerð er sú krafa að þeir sem að fá úthlutað taki þátt í sameiginlegri dagskrá Listhópa Hins Hússins á þremur Föstudagsfiðrildum og Uppskeruhátíð sem fara fram í miðborg Reykjavíkur á tímabilinu og á 17 júní og Menningarnótt
Nánari upplýsingar varðandi Listhópa Hins Hússins má fá hjá Menningardeild Hins Hússins í síma 411 5526
Músíktilraunirnar hafa allt frá árinu 1982 verið einn aðalvettvangurinn fyrir ungar íslenskar hljómsveitir og tónlistarfólk á aldrinum 13-25 ára til að koma tónlist sinni á framfæri. Músíktilraunir er tónlistarhátíð sem stendur yfir í 1 viku í lok mars og byrjun apríl ár hvert. Tónlistarfólk getur sótt um þátttöku með því að senda inn umsókn á netinu og greiða þátttökugjald. Undankvöld fara svo fram (4-5 kvöld) þar sem 40-50 hljómsveitir keppa að því takmarki að komast áfram á úrslitakvöldið. Um 10-12 hljómsveitir fara venjulega í úrslit; fyrstu 3 sveitirnar hljóta síðan glæsileg verðlaun af ýmsum toga. Einnig eru efnilegustu hljóðfæraleikararnir valdir og vinsælasta hljómsveitin meðal áhorfenda/hlustenda kosin með símakosningu.
Undanfarin ár hefur úrslitakvöldinu verið útvarpað um land allt, auk þess hefur sjónvarpið tekið það upp og sýnt síðar. Fyrir utan þau frábæru fyrirtæki sem stutt hafa við bakið við okkur í sambandi við verðlaun sigursveitanna, þá hafa Músíktilraunir í gegnum árin átt góða bakhjarla. Þar má helsta telja Icelandair, FÍH, Harpa og Rás 2. Þátttaka í Músíktilraunum er frábær upplifun og ómetanleg reynsla fyrir upprennandi tónlistarfólk.
Hitakassinn
Tónlistarborgin Reykjavík í samstarfi við Hitt Húsið, Útflutningsskrifstofu íslenskrar tónlistar og Hörpu tónlistarhús bjóða fulltrúum atriðanna sem komast áfram í úrslit á Músíktilraunum 2021 til þátttöku í skemmtilegu og hagnýtu námskeiði um tónlistariðnaðinn sem fram fer eftir keppnina.
Nánari upplýsingar á : www.musiktilraunir.is og hjá Menningardeild Hins Hússins í síma 411 5527
Hitt Húsið er einn af stofnfélögum Stage Europe Network /www.stagenetwork.eu sem var stofnað í Hollandi árið 2009. Stage Europe Network er tengslanet 7 Evrópuþjóða sem vinna á tónlistarsviði með og fyrir ungt fólk. Eftirfarandi aðilar eru í Stage Europe Network:
Stage Europe Network hefur að markmiði að halda úti sterku tengslaneti og starfar á tveimur sviðum. Annars vegar á sviði samstarfsfélaganna (félaga, samtaka ,stofnana ) með innbyrðis skiptum á fagfólki og þróun á langtímaverkefnum sem nýtast ungum hljómsveitum. Hins vegar að bjóða ungum hljómveitum/tónlistafólki að öðlast reynslu á samevrópskum vettvangi og geta endurspeglað tónlist sína og framþróun í ljósi þess.
Nánari upplýsingar varðandi Stage Europe Network má fá hjá Menningardeild Hins Hússins í síma 411 5526
Ýmsir tónleikar eru haldnir yfir vetrartímann sem eru hugsaðir sem vettvangur fyrir ungt fólk á aldrinum 16 til 25 ára til að koma tónlist sinni á framfæri jafnframt því að fá reynslu í því að sjá um tónleika. Tónleikarnir byggja á hugmyndafræðinni að; útvega aðstöðu og tækjabúnað til tónleikahalds og búa með því til vettvang í samstarfi við ungt tónlistarfólk þar sem að það getur öðlast reynslu í öllum hliðum þess að sjá um tónleika og því að koma tónlist sinni á framfæri. Tónleikarnir fara fram á laugardageftirmiðdögum eða eftir nánara samkomulagi á öðrum dögum í Betri stofu Hins Hússins .
Nánari upplýsingar varðandi tónleika má fá hjá Menningardeild Hins Hússins í síma 411 5526
Unglist, listahátíð ungs fólks, hefur verið árviss viðburður á haustdögum í Reykjavík frá árinu 1992. Hátíðin stendur yfir í rúma viku í hvert sinn með fjölda þátttakenda og njótenda. Það er breytilegt frá ári til árs hvar viðburðirnir á hátíðinni fara fram.
Dagskráin samanstendur af tónlist, hönnun, tísku, ljósmyndun, myndlist og leiklist svo eitthvað sé nefnt og endurspeglar það sem hefur verið í gangi í listsköpun hjá ungu fólki.
Frítt er inn á alla dagskrárliði hennar og hefur það verið hennar sérstaða.
Ungt fólk á aldrinum 16-25 ára getur komið með hugmynd og framkvæmt sinn viðburð á hátíðinni.
Undanfarin ár hafa tónleikarnir á Unglist verið einn af opinberu Hliðar sviðum/Off-Venue tónleikum Iceland Airwaves tónlista hátíðarinnar. Mikilvægt er að sækja snemma um að spila á þeim því að færri komast að en vilja. Á tónleikunum spila bæði innlendir og erlendir tónlistamenn.
Allar nánari upplýsingar um hátíðina má fá hjá Menningardeild Hins Hússins í síma 411 5526.
Hitt húsið tekur þátt í Vetrarhátið á Safnanótt. Dagskráin endurspeglar starfsemi hússins og er t.d boðið upp á Götuleikhús, tónleika, og myndlistarsýningu svo að eitthvað sé nefnt.
Nánari upplýsingar varðandi dagskrá Hins Hússins á Safnanótt á Vetrarhátíð má fá hjá Menningardeild Hins Hússins í síma 411 5526
Hitt Húsið stendur fyrir öflugri og fjölbreyttri dagskrá á Menningarnótt þar sem Listhópar sumarsins og Götuleikhús Hins Hússins eru í aðalhlutverki. Oft á tíðum taka þátt í dagskránni erlendir sem og innlendir ungir gestalistamenn.
Nánari upplýsingar varðandi Dagskrá Hins Hússins á Menninganótt má fá hjá Menningardeild Hins Hússins í síma 411 5526
Frá hugmynd að veruleika
Upplýsingamiðstöðin
Upplýsingamiðstöðin sér um útleigu á rýmum Hins Hússins. Í Upplýsingamiðstöðinni getur hver sem er á aldrinum 16-25 komið og verið. Við erum til staðar til að aðstoða ykkur við að koma ykkar hugmynd í framkvæmd með margvíslegum ráðum.
Í Upplýsingamiðstöðinni er hægt að:
Áttavitinn.is
Upplýsingamiðstöð Hins Hússins heldur utan um vefsíðuna Attavitinn.is. Áttavitinn er upplýsingagátt miðuð að ungu fólki á aldrinum 16-25 ára. Á síðunni má finna hagnýtan fróðleik sem viðkemur hinum ýmsu sviðum lífsins.
Ráðgjöf Áttavitans
Áttavitinn er í samstarfi við Tótal-ráðgjöf, en það er öflugt teymi fagaðila sem svarar nafnlausum spurningum á netinu endurgjaldslaust. Fullum trúnaði er heitið.
Almenn ráðgjöf – Jafningjafræðslan – Hópastarf